Verkamenn víðar en í Noregi

Það er erfitt að lesa svona fréttir um misnotkun á erlendum verkamönnum.  Þó að fréttin sé norsk gæti hún allt eins hafa gerst hér á landi.  Við þekkjum mörg dæmi um slæman aðbúnað, léleg laun, svindl á erlendu verkafólki og mikið vinnuálag. Sumir segjast hreinlega vera nútíma þrælar.  Manni finnst skelfilegt að til sé fólk sem getur hugsað sér að misnota aðra í gróðasjónarmiði. Þetta er m.a. það sem Margmenningarfélagið berst gegn.

Markmið Margmenningarfélagsins eru þessi:  að auðvelda tengsl erlendra íbúa og annarra í Borgarbyggð, að auðvelda erlendum íbúum aðgengi að upplýsingum um samfélagið, réttindi og skyldur, að vinna að auknum skilningi og virðingu fyrir ólíkri menningu og stulða að umburðarlyndi og fordómaleysi manna á meðal, og stuðla að því að allir fái notið hæfileikasinna til heilla fyrir sig og samfélagið.

Nú spyr einhver hvernig við vinnum í að ná þessum markmiðum.  Við höfum gengist fyrir því að hafa opið hús fyrir þá sem vilja koma, boðið upp á ýmsa fyrirlestra og upplýsingar, skemmtanir ofl. og höfum reynt að túlka eftir þörfum, enda stjórnin skipuð fólki frá fimm löndum. Við höfum miðlað upplýsingum, veitt ráðgjöf og verið í samstarfi við RkrÍ og fleiri aðila sem vinna að málefnum innflytjenda. 

Þessi bloggsíða er tilraun til að auka upplýsingagjöf og er ætlunin að blogga líka á öðrum tungumálum.

Mútað með vodka og pítsu