Upprifjun frá aðalfundi

Aðalfundur margmenningar var haldinn í Ráðhúsi Borgarbyggðar 30. mars og gekk vel. Mjög góð mæting var á fundinn, en þó hefði verið gaman að sjá fleiri Íslendinga t.d. fulltrúa frá Rauða krossinum sem er að vinna vel í málefnum innflytjenda. Fulltrúi frá Verkalýðsfélaginu kom á fundinn, og gekk í félagið.

Dagskrá fundarins var á þá leið að formaður setti fund og bauð viðstadda velkomna. Síðan flutti hann skýrslu stjórnar en í henni var saga félagsins rakin, rætt um viðburði í félagsskapnum, húsnæðishrakninga (en nú á félagið ekki fastan samastað til að funda, þar sem RKRÍ er hætt að leyfa okkur að vera í húsnæði á vegum þess), rætt var um ráðgjöf á vegum Símenntunar, bolir til styrktar félaginu sýndir, nýir félagar skráðir og rætt um framtíðaráform.  Að því búnu tók gjaldkeri til máls og kynnti stöðu sjóðsins en við eigum um 18 þúsund kr. Hlé var gert á fundi meðan allir fengu sér kaffi og meðlæti frá Geira bakara.  Síðan sagði Magda Kulinska frá reynslu sinni af því að vera nýbúi á Íslandi. Fundi var slitið laust fyrir kl.18 og vorum við mjög ánægð með daginn.